پۆست کوردستان لەڕوانگەیەکى جیاواز ئەوەى کەس نایڵێت ئێمە دەیڵێین لینکى پەیجى پۆست کوردستان لە فەیس بوک

Arrow up
Arrow down

سەربازگەیەكی ئەمەریكی لە فڕۆكەخانەی هەریر دادەمەزرێت



بڕیارە لە هەفتەی داهاتوو دەست بكرێت بە دروستكردنی بنكەیەكی سەربازیی ئەمەریكا لە فڕۆكەخانەی پێشووی شارۆچكەی هەریر و دەست بە ئامادەكارییەكان كراوە.

سەرچاوەیەكی باڵای سەربازی ڕاگەیاند كە بە بڕیارێكی فەرمی كارگێڕیی شارۆچكەی هەریر ئاگەدار كراوەتەوە كە پێویستە لە ماوەی یەك هەفتەدا فڕۆكەخانەی كۆنی هەریر لە كۆمپانیا و سەرجەم ئەو كەلوپەلانەی لێن پاك بكرێتەوە. سەرچاوەكە گوتیشی دامەزراندنی بنكەیەكی سەربازیی ئەمەریكا لە هەریر لەچوارچێوەی ئەو هەوڵانەی ئەمەریكا و ولاتانی هاوپەیمانی دژی داعش دێت بۆ بەرەنگاربوونەوەی تیرۆر لە ناوچەكەدا .

هەروەها گوتی شوێنی جۆگرافیای فڕۆكەخانەی پێشووی هەریر بۆ بنكەی سەربازیی ئەمەریكا لەبارە و دەتوانێت لەوێوە بە باشی چاودێری جولەی گروپە چەكدارەكانی ناو عێراق و سوریا بكات. ڕوونیشی كردەوە كە پێشتریش لە شەڕی ساڵی 2003 بۆ رووخانی رژێمی سەداح حوسێن؛ هێزەكانی ئەمەریكا ئەو فڕۆكەخانەی بەكارهێناوە و ئەزموونی باشیان هەبووە.

فڕۆكەخانەی پێشووی هەریر كە لە سەردەمی رژێمی سەدام حوسێن وەك فڕۆكەخانەیەكی سەربازی بەكار هێنراوە و لە لەساڵەكانی 1988- 1980 بۆ شەڕی نێوان عێراق و ئێران بەكار هاتووە و بەپێی شارازەیانی بواری سەربازی؛ فڕۆكەخانەكە هەموو مەرجەكانی فڕین و نیشتنەوەی تێدایە.

وتار